Son Xəbər: Çempionlar Liqası: Bu gün 18 oyun var, Ombudsman bələdiyyə seçkilərində səs verib, Bu gün Azərbaycanda bələdiyyə seçkiləri keçiriləcək, Azərbaycanda tramvaylar fəaliyyətə başlayır - Ünvanlar AÇIQLANDI, Rəşad Nəbiyev Prezidentə məruzə TƏQDİM ETDİ, Milli Məclisin yaz sessiyasında ilk iclas - Gündəlik AÇIQLANDI, HP: Neft qiymətlərinin enməsi ARDNF-nin aktivlərinin azalmasına səbəb ola bilər, KİV: Reyunyon adası Parisin dənizaşırı ərazilərdəki qəddarlığının nümunəsidir, Azərbaycan Prezidenti: Zəngəzur dəhlizi artıq dünyada qəbul edilmiş termindir, Fransa I rübdə Ukraynaya “Mirage” qırıcıları göndərəcək,

Baş prokuror: Keçən il Azərbaycanda qeydə alınan cinayətlər azalıb

Tarix: 27-01-2025, 09:46

Keçən il Azərbaycanda qeydə alınan cinayətlər azalıb.

Bunu Baş prokuror Kamran Əliyev qurumun geniş kollegiya iclasında çıxışı zamanı deyib.

Baş prokuror bildirib ki, ötən il 2023-cü illə müqayisədə 3 min 432 (9,3%) fakt cinayət az qeydə alınıb.

Həmçinin, əlavə edilib ki, keçən il ölkə ərazisində 33 min 379 cinayət qeydə alınmaqla onların 87,6 faizinin açılması təmin edilib, ümumilikdə ölkə üzrə cəmi 17 min 155 cinayət işinin istintaqı tamamlanıb ki, bunlardan 1 086-sı prokurorluq orqanlarında istintaq edilib.

Bu müddət ərzində prokurorluq orqanları tərəfindən 928 şəxs barəsində 735 cinayət işi, ümumilikdə isə digər istintaq qurumları ilə birgə 14 min 983 şəxs barəsində 13 min 551 cinayət işinin ibtidai istintaqı yekunlaşdırılaraq baxılması üçün məhkəmələrə göndərilib.